Arion banki gaf í dag út almenn skuldabréf að fjárhæð 300 milljónir evra til 5 ára. Skuldabréfin bera 3,625% fasta vexti sem jafngilda 130 punkta álagi yfir millibankavöxtum í evrum.
Eftirspurn eftir skuldabréfunum var veruleg, yfir fjórum sinnum meiri en framboð, og í heild bárust tilboð frá yfir 140 fjárfestum. Endanleg tilboðsbók nam um 1,3 milljörðum evra.
Umsjónaraðilar (e. Deal Managers) útgáfunnar voru Barclays, Deutsche Bank, J.P. Morgan og Nomura,.