Í fyrri tilkynningu félagsins var misræmi í dagsetningum útboðsdags sem leiðréttist hér með.
Eik fasteignafélag hf. („Eik") efnir til útboðs á skuldabréfum og endurkaupa á skuldabréfaflokknum EIK 050726 miðvikudaginn 27. maí 2026.
Greiða má fyrir keypt bréf með reiðufé eða með skuldabréfum í EIK 050726, og er þátttaka í útboðinu því ekki bundin við eigendur EIK 050726.
Skuldabréfaflokkar í útboði og hámarksfjárhæðir:
| Flokkur | Hámarksnafnverð |
| EIK 29 1 | 1.940 milljónir kr. |
| EIK 150531 | 2.000 milljónir kr. |
| EIK 120266 | 1.500 milljónir kr. |
Heildarfjárhæð samþykktra tilboða í útboðinu verður að hámarki 4.000 milljónir kr. í ofangreinda flokka.
Fyrirkomulag útboðs:
Hreint verð EIK 29 1 er fast og verður 98,579. Óskað er eftir tilboðum í magni í flokknum.
Í EIK 150531 og EIK 120266 er óskað eftir tilboðum á ávöxtunarkröfu. Öll samþykkt tilboð verða tekin á hæstu samþykktu ávöxtunarkröfunni í hvorum flokki fyrir sig.
Eik áskilur sér rétt til að samþykkja öll tilboð, hafna öllum tilboðum eða taka tilboðum að hluta.
Endurkaup á EIK 050726:
Samhliða útboðinu fer fram endurkaup á skuldabréfaflokknum EIK 050726. Hreint verð í endurkaupunum er fast og verður 100,00.
Eigendum EIK 050726 stendur til boða að greiða fyrir keypt bréf í útboðinu með skuldabréfum í EIK 050726 á ofangreindu endurkaupsverði. Öllum bjóðendum stendur til boða að greiða með reiðufé.
Áætlaður uppgjörsdagur: 5. júní 2026
Umsjón og tilboðsfrestur:
Markaðsviðskipti Arion banka hafa umsjón með útboðinu. Tilboðum skal skilað á netfangið skuldabrefamidlun@arionbanki.is fyrir kl. 16:00 miðvikudaginn 27. maí 2026.
Nánari upplýsingar veitir:
Lýður Heiðar Gunnarsson, framkvæmdastjóri fjármála og UT, lydur@eik.is, s. 820-8980
